Në vijim të trajnimit të vazhdueshëm të Ndihmës Specialistëve të Policimit në Komunitet për Edukimin dhe Punën me të Rinjtë, Programi SCPA në bashkëpunim me Sektorin e Policimit në Komunitet në Drejtorinë e Përgjithshme të Policisë në datat 14, 15 dhe 17, 18 Nentor 2022, zhvilluan trajnimin e 55 NSPK-ve nga të gjithë DVP-të.

Trajnimi u zhvillua me tre grupe në ambientet e Kolegjit të Policise në Akademinë e Sigurisë dhe kishte për qellim përditësimin e NSPK-ve me temat sensibilizuese. I gjithë ky aktivitet zhvillohet në kuadër të forcimit të rolit të tyre proaktiv dhe parandalues duke rritur ndërgjegjësimin e të rinjve për sa i përket çështjeve të sigurisë.

Pjesëmarrësit u përditësuan me temat që ata do t’i prezantojnë në klasat e ndryshme të nivelit para universitar të cilat më së shumti prekin këto grup mosha si: Siguria në internet, bulizimi dhe bulizmi në rrjetet sociale, rreziqet nga përdorimi i drogës, alkoolit e duhanit, siguria në rrugë si dhe nje modul shtese: Extremizmi I dhunshem etj. Gjatë trajnimit u bënë ushtrime praktike duke përdorur teknikat e mësuara në prezantimin e këtyre temave.

Ashtu si dhe në trajnimet e tjera, pjesëmarrësit e vlerësuan shumë këtë trajnim. Me pas, Programi SCPA shperndau literaturen dhe materialet sensibilizuese me liste shpërndarje për secilin KOMISARIAT NE 12 DVP-të.

E gjithë kjo iniciativë e Programit, ndër të tjera, ka si qëllim edhe edukimin me kulturën e sigurisë të grup moshave të reja si dhe rritjen e bashkëpunimit me Policinë.