Në kuadër të përmirësimit të komunikimit të brendshëm dhe të jashtëm të Policisë së Shtetit, programi ka mbështetur DVP Elbasan dhe DVP Kukës në përpilimin dhe botimin e Buletinëve Informative, për t’u shpërndarë tek punonjësit e DVP, në komisariate dhe stacione të policisë që mbulojnë, tek DVP të tjera, tek Drejtoria e Përgjithshme e Policisë si dhe për publikun gjerë më anë të mediave sociale.
Qëllimi i këtij aktiviteti është informimi i punonjësve dhe publikut për aktivitetet e kryera nga këto struktura policie dhe rritja e ndërgjegjësimit të publikut për punën e policisë dhe mundësitë e shumta të bashkëpunimit me të. Këto buletine do të vazhdojnë të botohen nga DVP në të ardhmen.