Në mbështetje të fushatës kombëtare të 16 Ditëve të Aktivizmit kundër Dhunës me Bazë Gjinore, prej datës 26 Nëntor deri në datën 10 Dhjetor 2018, janë organizuar aktivitete ndërgjegjesimi përmes ngritjes së Këndeve Informuese me pjesëmarrjen e nxënësve të 31 shkollave të mesme në 7 qarqe, Tiranë, Durrës, Elbasan, Kukës, Fier, Shkodër dhe Gjirokastër.

Fushata u realizua në bashkëpunim me DPP-në, DVP-të në qarqe dhe me angazhimin e 11 Organizatave të Shoqërisë Civile, zbatuese të projekteve të Skemës së Granteve.

Qëllimi i fushatës ishte rritja e ndërgjegjësimit të të rinjve mbi fenomenin e dhunës ndaj grave dhe vajzave si dhe nxitjen e ndërmarrjes së veprimeve të përbashkëta për parandalimin e këtij fenomeni.
Fushata u mbështet me materiale të ndryshme promocionale si postera, banera, fletepalosje, stilolapsa te loguar, etj.